Despois de pechar con éxito a temporada 2012-13 este pasado domingo, co ascenso do equipo á 1ª Autonómica, a nova Xunta Directiva do CD BAIO púxose a traballar xa na vindeira campaña 2013-14.
E o primeiro paso era o corpo técnico, polo que esta tarde noite se mantiveron conversas co actual adestrador, Félix García, con vistas á súa continuidade no club. E logo de varias horas as negociacións chegaron a bo porto, polo cal o CD BAIO está en condicións de confirmar que FÉLIX GARCÍA RAPOSO vai ser o adestrador deste club a próxima temporada. Félix seguirá contando coa colaboración do seu preparador físico EFRÉN RODRÍGUEZ GALLEGO.
Nos vindeiros días a xunta directiva e o corpo técnico poñeranse a traballar na planificación deportiva para a ilusionante campaña que nos espera na 1ª Autonómica.
No hay comentarios:
Publicar un comentario