Xa están aquí as táboas de goleadores das distintas categorías do CD BAIO e da Liga da Costa. Cando parecía que a loita polo pichichi costeiro era cousa de dous, esta semana o cormelán Juan Chans anotaba nada menos que seis goles, para postularse ao título de máximo goleador. Tamén o esteirán Kike marcaba dous tantos, polo que se achega perigosamente ao líder Martín MC.
En canto ás categorías de base do CD BAIO, esta semana disputouse o partido de volta da Copa da Costa Xuvenil, na que os baieses tiveron que recorrer á prórroga para derrotar ao Corme, que fixo un excelente encontro no Platas Reinoso. Os cadetes caeron derrotados ante un dos grandes da competición, aínda que foron gañando ata ben entrado o segundo tempo; mentres que os infantís tiveron que remontar no último minuto para levar a vitoria de Corme. Os alevíns e benxamíns non tiveron opcións de vitoria no seu desprazamento a Carballo fronte ao Sofán, mentres que os pre-benxamíns conseguían a súa primeira vitoria ante o Cee por 6-3 (resultado real) ou 5-4 (resultado oficial). En breve podes ver aquí as fotos do partido dos cadetes e dos pre-benxamíns.
No hay comentarios:
Publicar un comentario