SP. BURGO 3 - C. D. BAIO 8
Demostrou a súa calidade o equipo cadete do C. D. BAIO na primeira fase da Copa Coca Cola que se está disputando estes días na Coruña, e o campo da Torre pechou a xornada do luns cun equipo que por momentos deslumbrou co seu fútbol combinativo e coa pegada arriba de Santi e Christian.
Enfrontábase o Baio ao Sporting Burgo, que está disputando a Liga das Mariñas. A pesar dos nervios iniciais o Baio logo se fixo amo do partido e Christian adiantaba aos baieses. Antes do descanso chegaría o segundo por mediación de Santi. Dispuxo de varias ocasións o equipo baiés, sobre todo por medio de Christian, pero non chegaba a sentencia definitiva. Mellorou o equipo na segunda parte, sobre todo polo bo entendemento no medio do campo dos dous "pequeniños" Estefan e Anxo coa dupla atacante. E así foron chegando os goles: dous máis de Santi e outros dous de Christian poñían un concluínte 6-0 que levou ao equipo á relaxación, o que provocou que o Burgo recortase distancias con dous goles practicamente seguidos. Para despexar dúbidas Christian ampliou o marcador co seu cuarto gol e Alfonso de volea poñía o oitavo no marcador. Xa no desconto os culleredeses anotaban o seu terceiro e definitivo gol.
En definitiva, un claro marcador de 8-3 á favor do C. D. BAIO, o que fai que se clasifique para os oitavos de final. A cita é mañá mércores ás 10:30 fronte ao todopoderoso RACING DE FERROL, de categoría Nacional. O mellor da xornada de hoxe, á parte da vitoria, foi a volta aos terreos de xogo de Xoel, logo de case tres meses lesionado no menisco.
No hay comentarios:
Publicar un comentario