Xa está aquí as táboas de goleadores das distintas categorías do CD BAIO e da Liga da Costa. Poucos cambios na primeira, tan só destacar nos xuvenís que Christian acabou como máximo goleador con 20 goles, por diante de Santi Díaz, aínda que este cadete só xogou a competición ligueira. Na clasificación da Liga da Costa, o gol anotado por Juan Chans aperta aínda máis as cousas; mentres que son de destacar esta semana os catro goles do xalleiro Sebas, que o levan á sexta posición, e os tres do xogador do Volantes, Chenel.
En canto ás clasificacións traemos só as dos cadetes e infantís, por canto en fútbol-8 só xogaron os pre-benxamíns. Na categoría xuvenil, rematou a participación do Baio na Copa da Costa cunha forte goleada ante o campión da liga, o Cabana. En cadetes, unha nova derrota, neste caso ante o Coristanco, a pesar das boas intervencións do porteiro infantil Julián, que mesmo parou un penalti. Aos infantís tocoulles esta semana descansar, á espera de rematar a liga contra os dous primeiros clasificados. Alevíns e benxamíns tampouco xogaron, pola disputa da fase final, mentres que os pre-benxamíns perderon no seu partido fronte ao Outes.
No hay comentarios:
Publicar un comentario