O C. D. BAIO NA COPA COCA COLA

O C. D. BAIO na súa categoría CADETE vai participar por segundo ano consecutivo na Copa Coca Cola, que se celebrará na cidade da Coruña (Campos da Torre) os próximos días 3 e 4 de xaneiro. Este ano inscribíronse un total de 37 equipos procedentes das provincias da Coruña e de Lugo (da Costa só se anotou con nós o Outes F. C.), que foron distribuídos en grupos de 2 ou de 3 clubs, para axustar o cadro para a segunda fase. Foron declarados exentos os catro "grandes": Deportivo, Lugo, Racing de Ferrol e Montañeros; que pasan directamente á 2ª fase.

Celebrado o sorteo, o C. D. BAIO quedou encadrado no GRUPO 2.3., formado por dous equipos: SPORTING BURGO e CD BAIO, que se enfrontarán en partido único de 70 minutos de duración o martes 3 de xaneiro ás 19:45 horas no Campo 1. 

O gañador desta eliminatoria enfrontaríase ao potente RACING DE FERROL o mércores 4 de xaneiro, en horario de 10:30 horas no Campo 2, nun partido de 35 minutos.

O noso rival, o Sporting Burgo (do lugar do Burgo -Culleredo-), compite na Liga das Mariñas Cadete (2ª Autonómica - Grupo 2º), liga composta de tan só 11 equipos que principiou hai un mes e da que se levan xogadas 4 xornadas. O Sp. Burgo disputou 3 partidos (unha xornada descansou), perdendo os dous primeiros (0-4 e 4-1) e gañando o último (3-1). O ano pasado participaba na 1ª Autonómica (Grupo 2º), pero os malos resultados (só 9 puntos) levárono ao descenso de categoría.




C. D. BAIO na COPA COCA COLA 2010-2011





Foto publicada no suplemento
especial de La Voz de Galicia





Esperemos que os rapaces aproveiten esta experiencia para disfrutar dun día (ou dous) de fútbol na Coruña, ao igual que fixeron os que tiveron a sorte de ir o ano pasado. 





COPA COCA COLA 2011-2012

SPORTING BURGO - C. D. BAIO

Martes 3 de xaneiro; 19:45 horas.

Campo: 1 da Torre (A Coruña).

Gañador Sp. Burgo/CD Baio - RACING FERROL

Mércores 4 de xaneiro; 10:30 horas.

Campo: 2 da Torre (A Coruña).

CLASIFICACIÓNS FÚTBOL BASE

RESUMO DAS CATEGORÍAS BASE DO C. D. BAIO AO REMATAR O ANO

XUVENIL: A falta de que remate esta primeira fase da Liga e se decidan quen van ser os catro que pelexen polo título da Liga da Costa Xuvenil cos catro clasificados do grupo Sur, temos que dicir que a campaña do equipo xuvenil do C. D. BAIO é bastante irregular, pero ao mesmo tempo esperanzadora. Despois duns pinchazos no inicio da competición, parecía que os rapaces demostraban a súa capacidade e encadeaban vitoria tras vitoria. Pero nas últimas xornadas acumularon tres derrotas consecutivas, que fixo que baixasen á cuarta praza e que estea en perigo optar a disputar a 2ª fase da liga. Agora deben pelexar co Camariñas e co Ponteceso para asegurar continuar na competición ligueira e disputar o título de liga cos oito mellores conxuntos costeiros.

CADETE: Rematou para o C. D. BAIO a primeira volta (descansa na última xornada) e faino nunha posición media-alta da táboa clasificatoria. O bo comezo de campaña viuse freado un pouco nas últimas xornadas, o que podía ser previsible debido a ter un plantilla curta que ademais acusou moitas baixas, sobre todo as de longa duración de Xoel e Javi. Con todo, destaca o seu poder goleador, con dous killers como Christian e Santi, apoiados na fortaleza defensiva de Pablo e no mando no medio de Anxo. Tamén hai que destacar a axuda dos infantís que se tiveron que incorporar ao equipo, algúns xa de maneira definitiva, outros de forma puntual. Esperemos que a segunda volta lles sexa propicia e, habendo sorte coas lesións, poder quedar nos primeiros postos da clasificación.

INFANTÍS: A falta de unha xornada para rematar a primeira volta, o C. D. BAIO atópase nos últimos postos da clasificación. A pesar dos decepcionantes resultados obtidos, os rapaces baieses afrontan os partidos coa maior ilusión de ir pola vitoria, e aínda que despois de xogar se mostren algo contrariados, xa pensan no seguinte encontro con ánimo de sacar algo positivo. Evidentemente, botan en falta moitas veces os seus compañeiros que van cos cadetes, pero teñen un plantel amplo de xogadores, e ao final van xogando todos, que nestas categorías é do que se trata. A ver se a segunda volta lles trae máis sorte en forma de resultados.

GOLEADORES

GOLEADA EN LOMBÁNS PARA PECHAR O ANO

O PINDO C. F. 1 - C. D. BAIO 8

Houbo que madrugar para ver unha nova vitoria do CD BAIO nesta Liga da Costa, e abofé que os escasos afeccionados que se achegaron na mañá do domingo ao campo de Lombáns puideron apreciar unha chuvia de goles, no que supón a maior goleada polo momento na competición. Non tivo historia o partido, que xa estaba sentenciado ao cuarto de hora, e a única incerteza era cantos goles podían chegar. Ao final foron oito a favor dos visitantes, pero ben puideron ser moitos máis de os necesitar, pois O Pindo demostrou o porqué da súa clasificación e apenas opuxo resistencia ante a superioridade técnica e física dos baieses, cun centro do campo no que Alberto e Martín movían o balón coa súa calidade habitual.

MC leva 13 goles: non hai quen o
pare (en todos os sentidos)

Xa desde o primeiro minuto se comprobou que o Baio ía decidido polo partido, con dúas ocasións clarísimas erradas por Canay e por Iván, antes da chegada do primeiro gol de Matías, nunha internada que remataba cun balón cruzado ante a saída do porteiro. Tres minutos despois era Javi Suárez o que aproveitaba outro magnífico pase de Martín para establecer o segundo no marcador. E xa no vinte MC abría a súa conta particular nun fermoso gol, tras regatear ao porteiro. Ampliaría diferenzas Canay á media hora, e xusto antes de chegar ao descanso Alberto convertía unha falta pola escuadra do xa superado porteiro pindés.

Guillermo debutou
cos maiores

Aproveitou Tono para dar descanso aos xogadores tocados e introducir no campo aos suplentes, entre eles aos xuvenís Yago e Valentín. Co partido sentenciado, a segunda parte fíxose monótona e longa, e a relaxación apoderouse dos baieses, que se limitaban a mover o balón. Aínda así chegaron varios goles máis, o primeiro deles de Martín, que remataba cunha preciosa volea un córner botado por MC. Sería este o protagonista do seguinte gol, ao aproveitar un balón solto na área local. A relaxación fixo que os carnotáns se achegasen con algún perigo máis á meta de Manuel, e nun córner conseguían o gol da honra ao despexar cara á súa porteira José Antonio. Reaccionou rapidamente o Baio e dous minutos despois MC pechaba o resultado co seu terceiro gol no partido. De aquí ata o final só hai que destacar o debut do porteiro xuvenil Guillermo, unha das perlas da canteira.

Pouco hai máis que dicir deste partido, que supón prolongar a racha de sete invictos (19 puntos conseguidos dos últimos 21), o que fai que se asenten na cuarta praza, con dous puntos de distancia do Corme e a catro do terceiro, o Fisterra. Do bo momento do Baio fíxose eco esta semana do Depor Sport, cunha reportaxe sobre o seu tridente que podedes ver aquí (Depor Sport) Agora chega o parón, que esperemos que non lles afecte aos nosos, e a agardar logo de Reis ao Buño para pechar a primeira volta da liga.

Polo CD BAIO xogaron: Manuel (Guillermo 82'), Matías, Iván, José Antonio, Ramón (Fredi 45'), Eloy (Valentín 51'), Martín, Alberto, MC, Javi Suárez, Canay (Yago 45'). 

Goles: 0-1 Matías (11'), 0-2 Javi Suárez (14'), 0-3 MC (20'), 0-4 Canay (31'), 0-5 Alberto (44'), 0-6 Martín (48'), 0-7 MC (63'), 1-7 José Antonio (pp) (76'), 1-8 MC (78').

RESULTADOS

LIGA DA COSTA: O PINDO C. F. 1 - C. D. BAIO 8
                      [J. Antonio (pp) / MC (3), Matías, Javi Suárez, Canay, Alberto, Martín]
XUVENIL: C. D. BAIO 0 - C. F. DUMBRÍA B 1

CADETE: SANTA COMBA C. F. 4 - C. D. BAIO 0

INFANTIL: C. D. BAIO 2 - E. M. F. VIMIANZO 4

ALEVÍN (FS): C. CORISTANCO 7 - C. D. BAIO 2

BENXAMÍN (FS): C. CORISTANCO 0 - C. D. BAIO 3

Outros resultados:

Liga da Costa: Corcubión 1 - Camariñas 0; Mazaricos 0 - Club do Mar 2.

Cadete: Zas 9 - Muxía 2; Cabana 2 - Dumbría 4.

Infantil: Dumbría 3 - Coristanco 0; Cee 2 - Fisterra 0.

ÚLTIMA XORNADA DO ANO

LIGA DA COSTA (2ª AUTONÓMICA - GRUPO 3º)
O PINDO C. F. - C. D. BAIO
Domingo 18 de decembro; 12:15 horas.
Saída de Baio ás 10:00 horas.
Campo: Lombáns (Carnota).
Árbitro: Jorge Fernández Iglesias.

XUVENIL (1ª AUTONÓMICA - GRUPO 4º)
C. D. BAIO - C. F. DUMBRÍA B
Sábado 17 de decembro; 16:00 horas.
Campo: Platas Reinoso.

CADETE (2ª AUTONÓMICA - GRUPO 3º)
SANTA COMBA C. F. - C. D. BAIO
Sábado 17 de decembro; 16:30 horas.
Saída de Baio ás 15:00 horas.
Campo: San Pedro (Castriz).
Árbitro: Luis Santiago Pérez Ponte.

INFANTIL (2ª AUTONÓMICA - GRUPO 3º)
C. D. BAIO - E. M. F. VIMIANZO
Domingo 18 de decembro; 16:30 horas.
Campo: Platas Reinoso.
Árbitro: Raúl Benito Martínez.

TRABALLADO TRIUNFO E XA ESTAMOS 4º

C. D. BAIO 3 - U. D. CORCUBIÓN 1

Tarde desapacible no Platas Reinoso, o que non foi motivo para que rexistrase unha boa entrada, como sempre coa fiel afección baiesa. Partido trabado e disputado, que se resolviu nos últimos minutos cunha gran remontada baseada na fe dos futbolistas locais, que lles sae todo de cara ultimamente.

O partido empezou cun Baio que quería mover o balón e un Corcubión, adestrado polo histórico Manín, que se pechou ben atrás, buscando saír á contra. Non houbo moitas ocasións, salvo un tiro de Canay que marchou lambendo o poste, antes da primeira contra perigosa dos visitantes que acabou en gol, cando apenas se levaban 10 minutos de encontro.

Este gol puxo nervioso ao Baio, que se mostrou impreciso e moitas veces acelerado, querendo empatar pronto o partido, e perdendo con moita facilidade o balón, ante un Corcubión que se botou aínda máis atrás. Aínda así, tiveron os locais dúas clarísimas ocasións de gol por parte de MC, que se foron fóra co porteiro xa batido.

A segunda parte comezou co cambio de Matías, que se resentíu da súa lesión no pé, e a entrada do "talismán" Ramón. Entraron con ganas no campo os baieses, que dispuxeron dunha clara ocasión nada máis empezar, cunha sucesión de remates que milagrosamente non entraron na porta corcubionesa. Co cambio de sistema de Tono, deixando tres defensas e subindo a Mario ao centro do campo, o dominio do Baio foi abrumador e o Corcubión apenas saía do seu campo. Parecía que o gol local tiña que chegar, pero os dianteiros baieses tiñan a pólvora mollada pois malogran unha e outra chegada área. Foi a falta de dez minutos, cando Canay recibe un baón na frontal da área e tras diblar ao seu rival batía por alto ao porteiro visitante. Unha vez aberta a lata, daba a impresión que non tardaría en chegar o segundo, pero o Corcubión dedicouse a perder tempo, con continuas interrupcións e apenas se xogou nada nos seguintes minutos. Pero o empeño e a fe locais fixo que chegase o gol da vitoria de MC nun remate por baixo aproveitando un balón entre liñas de Martín. Impresionante a racha de MC, que leva marcando nas últimas oito xornadas. Intentou o Corcubión ir arriba á desesperada, pero o único que sucedeu foi que Javi Suárez fixese unha gran xogada, índose de varios defensas rivais e dándolle o pase da morte a MC, que a porta baleira establecía o definitivo 3-1.

Esta vitoria sufrida, pero con todo merecida, pon de manifesto o estado de gracia no que está o equipo, pois seguramente noutro momento este partido non se gañaría, como tantas veces nos pasou esta temporada. O triunfo de hoxe fai que o Baio ascenda á cuarta praza da clasificación despois de seis xornadas invicto (cinco triunfos e un empate), que neste momento case aseguraría unha praza de ascenso. Pero como dixemos o outro día, queda moita liga!!!

Polo CD BAIO xogaron: Manuel, Matías (Ramón 45'), Mario, Iván, José Antonio, Eloy (Rubio 84'), Martín, Alberto, MC, Javi Suárez, Canay (Fredi 88'). 

RESULTADOS

LIGA DA COSTA: C. D. BAIO 3 - U. D. CORCUBIÓN 1
                         [Canay, MC (2)]

XUVENIL: S. D. CORISTANCO 2 - C. D. BAIO 3
                                              [pp., Fachal, Alberto]

CADETE: C. D. BAIO 3 - SONEIRA S. D. 2
          [Santi, Christian (2)]

INFANTIL: CABANA S. D. 10 - C. D. BAIO 1
                                                [Sergio]

CÓMODA VITORIA NO CONCO

C. F. DUMBRÍA B 0 - C. D. BAIO 3

Gran partido o disputado polo CD BAIO este xoves no Conco ante o Dumbría B, no encontro aprazado da 8ª xornada que fora suspendido polo temporal. O resultado final de 0-3 non reflexa a ampla superioridade dos visitantes, que puideron vir cunha goleada de escándalo ante un rival que apenas creou perigo na porta de Manuel.

Fredi "Beckenbauer"
deslumbrou cos seus recortes

Xa desde ben pronto se viu que o Baio saía a por todas, e dous disparos de Mario desde a frontal foron o preludio do primeiro gol baiés. Alberto rouba un balón na medular e dálle unha perfecta asistencia a Javi Suárez, que por alto supera a Anxo. O xogo combinativo e rápido dos visitantes desarbolaba aos dumbrieses que só podían correr detrás do balón. Non tardou en aumentar o marcador o Baio, de novo por medio de Javi Suárez, que nunha xogada persoal desfacíase do seu marcador e volvía bater a porta local. Ao mando de Alberto, o centro do campo baiés apropiouse do balón, e o tridente ofensivo movíase constantemente na busca de espacios que facían sufrir aos seus marcadores. As incorporacións de Matías, e as chegadas en segunda xogada de Eloy e Mario, facían que o balón só tivese un dono e as ocasións sucedíanse diante de Anxo. Con todo, houbo que esperar ao último minuto da primeira parte para ver o terceiro gol, cun fermoso pase de Alberto en diagonal que controlou perfectamente MC e batiu a Anxo.

Javi Suárez leva 11 goles

A segunda parte apenas tivo historia, o Dumbria B non daba sinais de recuperación e o Baio dedicouse a controlar o balón e buscar ás puntas, que tiveron numerosas ocasións, sobre todo dúas de MC e outras dúas de Javi Suárez, e incluso os xuvenís Rubio e Valentín puideron marcar, pero perdoaron fronte a Anxo.

Con esta vitoria ascende o Baio á quinta praza da clasificación, con 23 puntos, e confirma unha racha de cinco partidos seguidos sen perder (catro vitorias e un empate), que fai que a xente mire xa máis para arriba que para abaixo. Pero queda moita liga!!!

Polo CD BAIO xogaron: Manuel, Matías (Fredi 75'), Iván, José Antonio, Ramón, Eloy, Mario (Yago 52'), Alberto (Valentín 82'), MC, Javi Suárez, Canay (Rubio 38').  

Goles: 0-1 Javi Suárez (10'), 0-2 Javi Suárez (19'), 0-3 MC (44').

PARTIDOS DO 8 AO 11 DE DECEMBRO

LIGA DA COSTA (2ª AUTONÓMICA - GRUPO 3º)

C. F. DUMBRÍA B - C. D. BAIO

Xoves 8 de decembro; 16:30 horas.

Saída de Baio ás 14:45 horas.

Campo: O Conco (Dumbría)

Árbitro: José Luis Zas Vázquez.

LIGA DA COSTA (2ª AUTONÓMICA - GRUPO 3º)
C. D. BAIO - U. D. CORCUBIÓN
Domingo 11 de decembro; 16:00 horas.
Campo: Platas Reinoso (Baio).
Árbitro: Daniel Torreiro Ramos.

XUVENIL (1ª AUTONÓMICA - GRUPO 4º)
S. D. CORISTANCO - C. D. BAIO
Sábado 10 de decembro; 16:00 horas.
Saída de Baio ás 14:20 horas.
Campo: A Rocheira (Coristanco).
Árbitro: Brais Lodeiros Lafuente.

CADETE (2ª AUTONÓMICA - GRUPO 3º)
C. D. BAIO - SONEIRA S. D.
Sábado 10 de decembro; 16:00 horas.
Campo: Platas Reinoso.
Árbitro: Alejandro Montes Montes.

INFANTIL (2ª AUTONÓMICA - GRUPO 3º)
CABANA S. D. - C. D. BAIO
Domingo 11 de decembro; 10:30 horas.
Saída de Baio ás 09:15 horas.
Campo: As Redondas (Neaño).
Árbitro: Emilio Rafael Galán Amor.

CRÓNICAS

S. D. CASTRIZ 2 - C. D. BAIO 2

Entretido e disputado partido o xogado na tarde-noite do domingo no campo de San Pedro, que deixa nos visitantes a sensación de dous puntos perdidos polo seu bo xogo e polas ocasións desperdiciadas, sobre todo na segunda metade. Tarde chuviosa en Castriz que non arredou aos afeccionados baieses que acudiron en bo número a terras xalleiras.

A primeira parte non tivo un dominador claro, o xogo estivo algo embarullado, pero aínda así era o Baio o que ofrecía sensación de perigo cando se achegaba á área rival. Con todo adiantaríanse os locais a través dun balón parado, que foi como crearon case todo o seu perigo. Unha falta lateral é mal despexada por Mario e o balón quédalle nos pés a Pablo que só ten que empurrala á rede. Foise o Baio polo empate e non tardaría en chegar nun dobre remate, primeiro de Canay que saca o porteiro, pero o rexeite chégalle a MC fóra da área que bate por baixo a Herrera. A partir do aquí o Baio seguiu tendo o control do balón, pero nun novo lanzamento de esquina o Castriz volvía poñerse por diante, ao adiantarse Toniño á defensa baiesa e rematar sen que Manuel poida facer nada. Con vitoria local chegábase ao descanso.

Saíu con máis forza o Baio na reanudación, cun cambio fundamental como foi a entrada do capitán Martín, que se fixo dono do centro do campo e cos seus pases creou numerosas oportunidades de perigo na porta contraria. Xa no primeiro minuto tivo unha clarísima MC, que logo de recibir un centro de Javi Suárez, vía como o seu remate franco era desviado coa cara por Herrera. Non tardou en chegar o empate nun fermoso contrataque de toda a dianteira do Baio, que resolveu Javi Suárez cun lanzamento cruzado ante a saída do porteiro. Tivo varias ocasións para levar o partido o Baio, as máis claras foron un lanzamento de Canay só diante de Herrera que saíu rozando o poste, un lanzamento de falta de Martín ao traveseiro ou unha internada de MC que se lle foi lambendo o largueiro cando estaba diante do porteiro.

Este empate rompe a racha de tres vitorias consecutivas e impide alcanzar o quinto posto, pero rectifica o bo xogo e as ganas que lle poñen uns xogadores nunhas condicións tan duras de frío e chuvia como as sufridas este domingo no campo de San Pedro.

Polo CD BAIO xogaron: Manuel, Matías, Yago (Martín 45'), José Antonio, Ramón, Eloy, Mario, Alberto, MC, Javi Suárez, Canay (Rubio 87').

Goles: 1-0 Pablo (15'), 1-1 MC (23'), 2-1 Toniño (41'), 2-2 Javi Suárez (53').

XUVENIL: C. D. BAIO 1 - S. C. D. MALPICA 3

Importante partido que tiñan os xuvenís este sábado no Platas Reinoso, por canto chegaba o líder deste grupo, e era necesario sumar puntos para conseguir canto antes clasificarse para a segunda fase da liga, pois achéganse perigosamente por detrás Camariñas e Ponteceso. Empezou ben o partido, aínda que con nervios por parte dos dous conxuntos, que non conseguían facer boas xogadas. Aínda así o cadro local foi superior nestes primeiros 45 minutos, creando moito perigo pola banda de Lucas, que superaba unha e outra vez ao seu marcador. Froito deste dominio chegou o gol de Rubio, que cun lanzamento desde fóra da área sorprendía ao porteiro malpicán. Con este resultado chegouse ao descanso.

Na segunda parte o Baio saíu durmido e pagouno moi caro. En dous minutos os malpicáns conseguían darlle a volta ao partido, e o que foi máis importante deixaron moi tocados aos locais. Pouco a pouco fórono intentando os baieses, tratando de combinar ante a daquela xa pechada defensa visitante, pero só crearon perigo intermitentemente, como un remate de cabeza de Fachal á saída dun córner. Pola contra, os de Malpica poñían en práctica a súa efectividade cun fermoso lanzamento de falta de Eme que se coaba pola escuadra de Guillermo. Seguíuno intentando o Baio, sobre todo por medio de Cachopo, que se fixo dono da súa banda, pero os seus centros e remates non acabaron por modificar o marcador. Agora hai que procurar volver á boa racha que se viu truncada nestes dous últimos partidos, para manter o colchón que teñen co Ponteceso e asegurar unha desas catro prazas.

Polo CD BAIO xogaron: Guillermo, David, Pardo (Vereda 88'), Pablo, Fachal, Rafa, Rubio (Alberto 81'), Lucas, Bieito, Valentín, Martín (Cachopo 51').   

CADETES E INFANTÍS: EMPATE E DERROTA

Saíu cun empate o equipo cadete do seu desprazamento a terras cabanesas no partido disputado o sábado á noite, que ben puido ser unha vitoria se non fose polo segundo gol local conseguido no desconto do partido. Adiantouse o Baio na primeira parte por mediación de Christian, pero os cabaneses conseguiron empatar. Na segunda Pablo poñía de novo por diante aos visitantes, no que parecía ser o gol da vitoria, pero a última hora tiveron que conformarse cun empate a dous goles, nun partido no que presentaban moitas baixas.

Na mañá do domingo os infantís tentaron facerlle fronte ao Ponteceso, pero non lograron aumentar a súa puntuación na táboa clasificatoria, e perdían contra os da vila do bardo, por un claro 2-5, con goles locais de Javi Muíño e Éver.

RESULTADOS

LIGA DA COSTA: S. D. CASTRIZ 2 - C. D. BAIO 2
                                                       [MC, Javi Suárez]

XUVENIL: C. D. BAIO 1 - S. C. D. MALPICA 3
                   [Rubio / Camilo, Eme (2)]

CADETE: CABANA S. D. 2 - C. D. BAIO 2
                                          [Pablo, Christian]
INFANTIL: C. D. BAIO 2 - PONTECESO S. D. 5
              [Javi Muíño, Éver]

ALEVÍN: C. D. BAIO 4 - CONCELLO DE LAXE 4
         [Ariel, Pablo, Manuel Mª, Carlos]

BENXAMÍN (FS): C. D. BAIO 1 - CONCELLO DE LAXE 0
                           [Samuel]

Outros resultados:

Liga da Costa: Corcubión 4 - O Pindo 0; Nantón 0 - Camariñas 2; Dumbría B 2 - Fisterra 3; Muros 0 - Club do Mar 2; Esteirana 4 - Buño 1; Zas 2 - Malpica 3; San Lorenzo 2 - Corme 2; Mazaricos 1 - Sofán 1.

Xuvenil: Cabana 2 - Ponteceso 0; Corme 0 - Dumbría B 8; Zas 3 - Coristanco 2; Laxe - Camariñas (xoves).

Cadete: Camariñas 0 - Esteirana 4; Zas 2 - Fisterra 1; Soneira 0 - Santa Comba 5; Outes 4 - Coristanco 2; Malpica 2 - Ponteceso 2; Muros 3 - Porteño 0; Cee 1 - Dumbría 1.

Infantil: Cee 4 - Cabana 3; Dumbría 9 - Vimianzo 0; Muxía 0 - Santa Comba 4; As Baleas 0 - Fisterra 5; Os Miúdos 2 - Outes 1; Corme - Coristanco (martes).

COMEZA A TEMPORADA DE FÚTBOL SALA

ALEVÍN E BENXAMÍN: C. D. BAIO - LAXE

Este próximo sábado comeza a competición de fútbol sala da "Costa Bergantiñá" en categoría alevín e benxamín. Este ano por vez primeira participará o CLUB DEPORTIVO BAIO, competindo contra os equipos dos concellos desa comarca que estarán representados polos seus respectivos concellos. Polo tanto será o noso o único club de fútbol como tal, mentres que o resto dos participantes serán equipos formados e financiados pola entidade municipal.

Son un total de seis os equipos que participan: Cabana, Coristanco, Laxe, Malpica, Ponteceso, e o propio CD BAIO. Comeza a competición o sábado 3 de decembro co enfrontamento entre o CD BAIO e o Concello de Laxe, en horario de 10:00 horas os alevíns e 10:45 horas os benxamíns no Pavillón Polideportivo de Baio.

FÚTBOL SALA ALEVÍN (COSTA BERGANTIÑÁ)
C. D. BAIO - LAXE
Sábado 3 de decembro; 10:00 horas.
Pavillón Polideportivo de Baio.

FÚTBOL SALA BENXAMÍN (COSTA BERGANTIÑÁ)
C. D. BAIO - LAXE
Sábado 3 de decembro; 10:45 horas.
Pavillón Polideportivo de Baio.

PARTIDOS DOS DÍAS 3 E 4 DE DECEMBRO

LIGA DA COSTA (2ª AUTONÓMICA - GRUPO 3º)
S. D. CASTRIZ - C. D. BAIO
Domingo 4 de decembro; 16:45 horas.
Saída de Baio ás 14:45 horas.
Campo: San Pedro (Castriz).
Árbitro: Jesús Iván Patricio Blanco.

XUVENIL (1ª AUTONÓMICA - GRUPO 4º)
C. D. BAIO - S. C. D. MALPICA
Sábado 3 de decembro; 16:00 horas.
Campo: Platas Reinoso (Baio).
Árbitro: Luis Santiago Pérez Ponte.

CADETE (2ª AUTONÓMICA - GRUPO 3º)
CABANA S. D. - C. D. BAIO
Sábado 3 de decembro; 20:00 horas.
Saída de Baio ás 18:45 horas.
Campo: As Redondas (Neaño).
Árbitro: Domingo Álvarez Iglesias.

INFANTIL (2ª AUTONÓMICA - GRUPO 3º)
C. D. BAIO - PONTECESO S. D.
Domingo 4 de decembro; 10:30 horas.
Campo: Platas Reinoso (Baio).
Árbitro: José Manuel Grañas Martínez.

VITORIA NO MINI-DERBY FRONTE AO NANTÓN

C. D. BAIO 4 - C. D. NANTÓN 0

Manuel, a figura do partido

Partido igualado o disputado no Platas Reinoso este domingo a pesar do resultado, que só se desequilibrou por uns golpes de sorte que favoreceron ao equipo local e sepultaron aos visitantes. Non tivo un dominador claro a primeira parte e apenas tivo ocasións de gol, con moito balón aéreo e pouco control. O Nantón permaneceu ben pechado atrás, intentando cortar os pases entre liñas dos baieses, que só inquietaban a portería de Bonano polas internadas de Javi Suárez pola banda. Nunha delas a piques estivo de marcar MC pero o seu remate a bocaxarro enviouno a córner o porteiro visitante. Parecía que se ía chegar ao descanso coa igualada no marcador, pero nunha falta lonxana Matías conseguía superar a Bonano, que se víu sorprendido polo bote do balón, e poñer o 1-0 no último minuto. A piques estivo de empatar o Nantón na xogada seguinte, cando Luis rematou un córner e Manuel facía o seu primeiro paradón da tarde.

Unha vez máis espectacular
un gol, dúas asistencias

Saíu con ganas o Nantón do vestiario, intentando levar o equipo arriba na busca da igualada, e tivo a mellor ocasión aos catro minutos da reanudación cando Manolo do Cruceiro controlaba na área e o seu balón era interceptado coa man por Iván, sinalando o árbitro penalti. Un penalti que lanzaba o xogador-adestrador Luis pero era despexado por Manuel, que se convertía no heroe da tarde para os baieses. Esta xogada cambiou o partido, pois poucos minutos despois MC aproveitaba unha boa xogada de paredes con Canay para bater o porteiro visitante por baixo. Non tivo tempo o Nantón a reaccionar pois xa deseguido chegou o terceiro para os locais, nun envío en longo de Matías que aproveitou Canay para marcar de vaselina ante a saída do porteiro. As escasas esperanzas nantonesas quedaron mermadas a falta de vinte minutos cando era expulsado David Lareu por unha rigurosa segunda amonestación. A partir de aí desapareceu o Nantón e o Baio dedicouse a mover o balón, introducíu aos xuvenís que estaban no banco, e intentou aumentar o marcador, cousa que lograron a falta de quince minutos nun bonito pase de Yago a Canay, que se internou pola banda e logo de desfacerse do seu marcador deu o pase da morte a Alberto que poñía o que sería definitivo 4-0 no marcador.

Con este resultado ascende o Baio á sexta praza, con 19 puntos, e cun partido menos, o que ten que disputar en dez días fronte ao Dumbría B, aprazado polo temporal.

Polo CD BAIO xogaron: Manuel, Matías, Iván, José Antonio, Ramón (Yago 70'), Eloy (Martín 45'), Mario, Alberto, MC (Valentín 84'), Javi Suárez, Canay (Rubio 80').

Goles: 1-0 Matías (44'), 2-0 MC (52'), 3-0 Canay (55'), 4-0 Alberto (73').

RESULTADOS

Liga da Costa: C. D. BAIO 4 - C. D. NANTÓN 0
               [Matías, MC, Canay, Alberto]
Xuvenil: PONTECESO S. D. 3 - C. D. BAIO 1
                                                    [Rafa]

Cadete: C. D. BAIO 1 - S. D. MUROS 3
            [Pablo]

Infantil: OUTES F. C. 4 - C. D. BAIO 3
                                   [Sergio (2), Éver]

* * *

Outros resultados:

Liga da Costa: Club do Mar 5 - Zas 0; Fisterra 5 - Esteirana 2; Malpica 2 - Dumbría B 2; Corme 1 - Muros 2; Sofán 1 - San Lorenzo 1; Buño 0 - Corcubión 0; Camariñas 3 - Mazaricos 1; O Pindo 0 - Castriz 3.

Xuvenil: Malpica 3 - Zas 0; Dumbría B 12 - Laxe 0; Muxía 1 - Cabana 7; Coristanco 1- Corme 0.

Cadete: Dumbría 4 - Outes 0; Porteño 3 - Cee 8; Coristanco 2 - Camariñas 4; Fisterra 1 - Malpica 1.

PARTIDOS DA VINDEIRA FIN DE SEMANA

LIGA DA COSTA (2ª AUTONÓMICA - GRUPO 3º) 
C. D. BAIO - C. D. NANTÓN
Domingo 27 de novembro; 16:15 horas.
Campo: Platas Reinoso (Baio).

XUVENIL (1ª AUTONÓMICA - GRUPO 4º)
PONTECESO S. D. - C. D. BAIO
Sábado 26 de novembro; 16:00 horas.
Saída de Baio ás 14:50 horas.
Campo: O Pinguel (Ponteceso).

CADETE (2ª AUTONÓMICA - GRUPO 3º)
C. D. BAIO - MUROS S. D.
Sábado 26 de novembro; 16:00 horas.
Campo: Platas Reinoso (Baio).

INFANTIL (2ª AUTONÓMICA - GRUPO 3º)
OUTES F. C. - C. D. BAIO
Domingo 27 de novembro; 10:30 horas.
Saída de Baio ás 08:45 horas.
Campo: O Conchido (A Serra de Outes).

CRÓNICAS DOS PARTIDOS DA FIN DE SEMANA

MAZARICOS C. F. 2 - C. D. BAIO 3

Canay adiantou ao Baio
con dous goles seus

Partido duro e disputado este domingo sobre o céspede brando e rápido da Pedra de Ouro mazaricán, que foi controlado polo CD BAIO en todo momento, aínda que o gol local á beira do descanso puxo algo de inquietude no marcador. Saíu moi enchufado o equipo baiés, presionando arriba e buscando o erro dos rivais, e xa no minuto 2 puido marcar MC nun gol fantasma que ben puido entrar antes de que un defensa despexase baixo paus. Pero catro minutos máis tarde si subía ao marcador o primeiro gol visitante, conseguido por Canay, ao rematar de cabeza no segundo pau un córner botado por Alberto. A partir de aquí o Baio pasou a controlar o balón, impedindo que o Mazaricos se achegase á meta de Manuel, e saíndo á contra cando a ocasión o propiciaba. Nunha delas chegou o segundo gol, ao aproveitar Canay o rexeite do pau tras un tiro de MC. Parecía que aí sentenciaba o Baio o partido pois os locais apenas creaban perigo, e nas contras baiesas víase que podía chegar o terceiro. Pero os visitantes descentráronse cando Mario sufriu un cobadazo e tiña que ser atendido na banda por un corte na cabeza. Contra dez homes o Mazaricos conseguíu reducir distancias xa chegando ao descanso no lanzamento dunha falta.

Volveu a furia en Mazaricos:
"Camacho" Mario

Comezou a segunda parte coa presenza de "Camacho" Mario, pois lucía unha aparatosa venda na cabeza ao estilo dos bravos defensas doutros tempos. Nestes primeiros minutos o Mazaricos intentou ir arriba en busca da igualada pero sen crear moitas ocasións de perigo. Si tivo ocasión de poñer terra de por medio o Baio aos quince minutos da reanudación cando o colexiado sinalou un claro penalti sobre Javi Suárez, que Alberto desaproveitou. Parece que este erro deulle azos aos locais, pois tiñan a tiro de pedra a igualada, mais non conseguían superar a defensa baiesa liderada por José Antonio. Pola contra, o Baio conseguía facer o terceiro nunha xogada pola esquerda que chega a MC ao borde da área e coa esquerda coloca o balón pegado ao pau. Non tivo máis historia o partido e foron pasando os minutos en busca do final, mais no desconto o dianteiro mazaricán Kevin aproveitaba un erro de concentración na defensa baiesa para superar a Manuel, e poñer o 2-3 definitivo.

Con esta vitoria o Baio consegue poñerse no noveno posto na clasificación, sempre recordando que conta cun partido menos pois falta por disputar o suspendido contra o Dumbría B.

Polo CD BAIO xogaron: Manuel, Matías, Iván, José Antonio, Ramón (Yago 72'), Eloy, Mario, Alberto (Martín 60'), MC (Rubio 87'), Canay (Andrés 80'), Javi Suárez.

Goles: 0-1 Canay (6'), 0-2 Canay (30'), 1-2 Aldo (44'), 1-3 MC (74'), 2-3 Kevin (92').

XUVENIL: C. D. BAIO 6 - MUXÍA 2

Pardo deslumbrou cos seus
desprazamentos de balón

Nova vitoria dos xuvenís na tarde do sábado e nova goleada que volve refrendar que este equipo non ten gol. Non opuxo moita resistencia o equipo muxián, que vía como os locais xa se adiantaban en menos de media hora con tres goles, e tan só un fermoso gol dos visitantes no desconto puxo algo de interese á segunda parte. Pero pouca historia tivo a reanudación, pois os locais abandonaron a relaxación deses últimos minutos do primeiro tempo e dedicáronse a atacar a portería muxiá, a pesar dos cambios realizados por Nacho, o que demostra que neste equipo todos son necesarios e que todos poden xogar, como o demostraron xogadores que tiveron menos minutos ata o de agora e que realizaron un magnífico partido. O Muxía só logrou marcar a través dunha falta dende case o medio do campo que sorprendeu por alto a Sergio. Pero os defensas baieses demostraron que tamén poden colaborar con goles, e Maikel e Pardo puxeron a media ducia no marcador.

Con este triunfo os baieses soben á segunda praza da clasificación aproveitando a derrota do Dumbría B en Camariñas, e figuran a cinco puntos do líder Malpica, que conta cun partido máis disputado e aínda ten que visitar o Platas Reinoso.

Polo CD BAIO xogaron: Guillermo (Sergio 74'), Pardo, Yago (Penelo 57'), Vereda, Fachal, David, Rubio (Valentín 69'), Cachopo, Lucas (Eloy 78'), Bieito, Martín (Maikel 78'). 

Goles: Martín (2), Lucas, Cachopo, Maikel, Pardo.

RESULTADOS

LIGA DA COSTA: MAZARICOS C. F. 2 - C. D. BAIO 3
                                                                 [Canay (2), MC]

XUVENIL: C. D. BAIO 6 - MUXÍA 2
           [Martín (2), Lucas, Cachopo, Maikel, Pardo]

CADETE: U. C. CEE 7 - C. D. BAIO 1
                                        [Pablo]

INFANTIL: C. D. BAIO 1 - SANTA COMBA 7
                    [Sergio]

* * *

Outros resultados:

Liga da Costa: Dumbría B 0 - Club do Mar 2; Fisterra 3 - Buño 1.

Xuvenil: Corme 0 - Malpica 6; Zas 3 - Ponteceso 3; Camariñas 4 - Dumbría B 3; Laxe 1 - Coristanco 2.

Cadete: Malpica 2 - Esteirana 2; Cabana 2 - Soneira 2; Outes 5 - Porteño 0; Camariñas 0 - Dumbría 5; Zas 1 - Coristanco 2; Muxía 3 - Fisterra 7; Muros 1 - Santa Comba 2.

Infantil: Cee 1 - Outes 0; Vimianzo 1 - Corme 5.

PARTIDOS DA FIN DE SEMANA ELECTORAL

LIGA DA COSTA (2ª AUTONÓMICA - GRUPO 3º)
MAZARICOS C. F. - C. D. BAIO
Domingo 20 de novembro; 16:15 horas.
Saída de Baio ás 14:15 horas.
Campo: Pedra do Ouro (Pino do Val).

XUVENIL (1ª AUTONÓMICA - GRUPO 4º)
C. D. BAIO - MUXÍA C. F.
Sábado 19 de novembro, 16:15 horas.
Campo: Platas Reinoso (Baio).

CADETE (2ª AUTONÓMICA - GRUPO 3º)
U. C. CEE - C. D. BAIO
Sábado 19 de novembro; 10:30 horas.
Saída de Baio ás 09:00 horas.
Campo: San Paio de Refoxos (Xallas-Cee).

INFANTIL (2ª AUTONÓMICA - GRUPO 3º)
C. D. BAIO - SANTA COMBA C. F.
Sábado 19 de novembro; 11:00 horas.
Campo: Platas Reinoso (Baio).

PLENO DE VITORIAS

C. D. BAIO 4 - S. D. SAN LORENZO 0

Partido tranquilo e práctico o disputado polo CD BAIO na tarde deste domingo chuvioso. Diante, o San Lorenzo de Chema Eirís, ex-xogador e ex-adestrador dos baieses, que apenas inquietou a porta do meta local Manuel, salvo os perigosos saques de banda de Chucho. Tamén foi noticia a escasez de baixas no Baio, pois tan só Fredi non puido xogar por motivos laborais, e o debut esta temporada de Ramón logo de moitos meses de baixa (desde marzo) pola fractura de peroné.

Ramón volveu xogar
medio ano despois

A primeira parte foi de dominio local cunha mestura de toques en corto e balóns en largo, que desarbolou ao San Lorenzo. Aínda non se cumprira o primeiro cuarto de hora e xa marcara o Baio por mediación de MC que empuxou á rede un centro de Javi Suárez, logo dunha bonita xogada deste pola banda. Este tanto non cambiou a decoración e o Baio seguiu movendo o balón con criterio. Froito deste xogo chegou o segundo gol a piques de chegar á media hora, cando Javi Suárez recolle un balón na esquina da área e supera a Recarey cunha vaselina ao segundo pau. Puido o pichichi baiés aumentar a súa conta minutos despois pero un lanzamento seu petaba no traveseiro. Cando se estaba a piques de chegar ao descanso chegou o finiquito do partido. Unha falta á beira da área do San Lorenzo é lanzada por Matías, o porteiro non consegue atallar o balón e o rexeite quédalle franco a Canay, que só ten que empuxar o balón á rede. Nesta xogada o porteiro verdillés protestoulle ao árbitro que non lle deixara colocar a barreira, e o colexiado expúlsao por insultalo.

 

MC: De mañá vitoria como
adestrador. De tarde, 2
goles como xogador. 



A segunda parte foi soporífera. O San Lorenzo con dez apenas inquietou a portería baiesa, e os locais dedicáronse a contemporizar. Tan só nos quince minutos finais os locais tiveron algunha ocasión para aumentar o resultado, pero tan só MC conseguiu perforar de novo a portería visitante. 

En definitiva, tres puntos que quedan na casa e que serven para afianzar máis ao equipo logo das dúas derrotas consecutivas, quedando na clasificación na 13ª posición, á espera de xogar o partido aprazado contra o Dumbría B (lembremos que será o 8 de decembro). [Se picas aquí á dereita en SD SAN LORENZO podes ler a súa crónica deste partido]

Polo CD BAIO xogaron: Manuel, Matías, Iván, José Antonio, Ramón (Fermín 78'), Eloy (Andrés 87'), Mario, Alberto (Pirucho 75'), MC, Canay (Martín 60'), Javi Suárez.

Goles: 1-0 MC (13'), 2-0 Javi Suárez (28'), 3-0 Canay (45'), 4-0 MC (82').

XUVENIL: CABANA S. D. 0 - C. D. BAIO 5

Hat-trick de Bieito

Goleada do equipo xuvenil no seu primeiro partido da segunda volta, o que o reafirma na terceira posición a tiro de pedra dos dous primeiros, Malpica e Dumbría B, que lembremos aínda teñen que visitar o Platas Reinoso. Non tivo moito que destacar este partido, salvo a seriedade defensiva, apoiada nun gran Guillermo, e a perigosidade en ataque co fútbol de toque que practica o equipo. Parece que nas Redondas tamén se esfumou o principal defecto que se lle achacaba a este equipo que era a falta de definición ante a meta rival.

Na primeira parte o Baio adiantábase con dous goles obra de Bieito e de Pablo, e na reanudación redondearían a man Lucas e Bieito con dous goles máis, o que completaba o seu particular hat-trick.

Polo CD BAIO xogaron: Guillermo, Maikel, Yago, Pablo, Cachopo, Fachal, Rafa, Rubio, Lucas, Bieito, Valentín. Entraron na segunda parte Manuel, Alberto, Penelo, Edgar e Pollo (este como dianteiro).

CADETE: C. D. BAIO 6 - OUTES F. C. 1

Gran vitoria dos cadetes ante un Outes que chegaba invicto ao Platas Reinoso, e que levaba tan só 9 goles en contra na liga. Con todo demostrou o porqué deste feito, sobre todo na primeira parte, na que foi moi superior ao equipo local, baseándose na forza física e na corpulencia de moitos dos seus rapaces. Con todo, conseguía adiantarse o cadro local por mediación de Santi ao cuarto de hora de partido. Creaba perigo o Outes sobre todo a balón parado, e nun córner chegou o gol do empate visitante, tras unha indecisión de meta e defensa. Cando parecía que co empate se chegaba ao descanso, Christian volveu a sacar a súa variña máxica para adiantar ao equipo local, e poñer o 2-1 co que se chegou ao descanso.

Christian, suma e sigue:
26 goles.

A segunda parte xa virou a favor dos baieses, que parece que lle perderon o medo aos da Serra e empezaron a mover o balón con máis criterio e perigo, como adoitan facer normalmente. Cando conseguen mover rápido o coiro os baieses son letais, e Santi e Christian poñen a súa calidade para definir nos últimos metros. Un gol de Santi e outros tres de Christian nesta segunda parte elevaron o marcador local ata a media ducia. O Outes baixou moito o ritmo da primeira e non puideron derrubar a muralla defensiva que puxeron Kevin e Pablo (partidazo dos dous). Con esta vitoria o Baio segue na quinta praza, pero empatado co terceiro e tan só a un punto do segundo.

Polo CD BAIO xogaron: Álex, Cristian, Kevin, Pablo, Alfonso (Fran 76'), Anxo, Estefan (Alberto 70'), José Antonio (Javi 48'), Hío, Santi (Éver 74'), Christian.

INFANTIL: MUXÍA C. F. 1 - C. D. BAIO 2

Sergio leva xa 5 goles

Segunda vitoria consecutiva do equipo infantil, este domingo dirixidos desde o banco por MC. Parece que están cheos de moral, pois a pesar de empezar perdendo non se viñeron abaixo como outras veces, e conseguiron empatar por medio de Sergio antes de chegar ao descanso, e na segunda parte remontar por medio de Éver que transformaba un penalti cometido a el mesmo. Con este triunfo os infantís ascenden un posto na clasificación e achéganse á zona intermedia da táboa.

RESULTADOS

Liga da Costa: C. D. BAIO 4 - S. D. SAN LORENZO 0
             [MC (2), Javi Suárez, Canay]

Xuvenil: CABANA S. D. 0 - C. D. BAIO 5
                                   [Bieito (3), Lucas, Pablo]

Cadete: C. D. BAIO 6 - OUTES F. C. 1
        [Christian (4), Santi (2)]

Infantil: MUXÍA C. F. 1 - C. D. BAIO 2
                                     [Sergio, Éver]

* * *

Outros resultados:

Liga da Costa: Club do Mar 7 - Esteirana 2; Malpica 1 - Fisterra 3; Sofán 2 - Zas 2; O Pindo 2 - Mazaricos 6; Corcubión 1 - Nantón 0; Corme 1 - Dumbría B 0; Buño 1 - Castriz 1; Camariñas 3 - Muros 1.

Xuvenil: Malpica 5 - Laxe 0; Ponteceso 7 - Corme 1; Coristanco 2 - Camariñas 3; Muxía 1 - Zas 4.

Cadete: Soneira 2 - Muros 1; Dumbría 15 - Zas 0; Esteirana 14 - Muxía 0; Fisterra 1 - Ponteceso 2; Santa Comba 2 - Cee 1; Coristanco 2 - Malpica 4; Porteño 1 - Camariñas 4.

Infantil: Cabana 7 - Corme 2; Santa Comba 1 - Cee 1; Ponteceso 10 - As Baleas 2; Coristanco 3 - Esteirana 4; Fisterra 2 - C. de Carnota 1; Outes 0 - Dumbría 8.

PARTIDOS DO 12 E 13 DE NOVEMBRO

LIGA DA COSTA (2ª AUTONÓMICA - GRUPO 3º)
C. D. BAIO - S. D. SAN LORENZO
Domingo 13 de novembro, 16:15 horas.
Campo: Platas Reinoso (Baio).
Árbitro: Jesús España Andrade.

XUVENIL (1ª AUTONÓMICA - GRUPO 4º)
CABANA S. D. - C. D. BAIO
Sábado 12 de novembro, 16:00 horas.
Saída de Baio ás 14:45 horas.
Campo: As Redondas (Neaño).
Árbitro: Carlos Cotelo Lafuente.

CADETE (2ª AUTONÓMICA - GRUPO 3º)
C. D. BAIO - OUTES F. C.
Sábado 12 de novembro, 16:00 horas.
Campo: Platas Reinoso (Baio).
Árbitro: Javier Cives Outes.

INFANTIL (2ª AUTONÓMICA - GRUPO 3º)
MUXÍA C. F. - C. D. BAIO
Domingo 13 de novembro, 10:30 horas.
Saída de Baio ás 9:00 horas.
Campo: A Arliña (Muxía).
Árbitro: Javier Cives Outes.

DERROTA EN MUROS

MUROS S. D. 2 - C. D. BAIO 0

Partido disputado na tarde do domingo en Miraflores que acabou coa vitoria local por dous tantos a cero, a pesar da superioridade no xogo e nas ocasións do equipo baiés. Como xa tantas veces esta temporada non lle vale aos baieses ter a posesión do balón se non concreta as moitas ocasións que crea. En cambio, necesita moi pouco o equipo rival para levar o partido.

Mario foi o motor do
Baio en Miraflores

Nos primeiros quince minutos de encontro, xa dispuxo o Baio de tres claras ocasións de gol, mediante dous lanzamentos de falta de Matías e un disparo de Rubio dende trinta metros que sacou Lupi da escuadra cando xa se cantaba o gol. O primeiro disparo dos muradáns foi o seu primeiro gol, un fenomenal lanzamento de falta de Mayuyo que se coaba pola escuadra de Manuel. Apenas cinco minutos despois Sexo aproveitaba unha diagonal para poñer o segundo gol nun remate de cabeza só diante do porteiro baiés. A persar destes minutos de desconcerto, o Baio tratou de virse arriba, e antes do descanso puido recortar Fermín nun cabezazo que petou no traveseiro.

Tras o descanso intentou o equipo visitante meterse no partido, mentres o Muros se agazapou atrás buscando as contras de Yanki e Sexo, mais non crearon moito perigo; tan só salientar un tiro ao pau logo dun lanzamento de córner. Si dispuxo o Baio de varias ocasións por medio de Canay, Mario, Alberto ou Javi Suárez, pero parecía que o balón non quería entrar na portería muradana.

Agora só queda levantar o ánimo despois desta sucesión de dúas derrotas e confiar que nas próximas xornadas o equipo suba na clasificación ata onde o seu xogo o merece.

Polo CD BAIO xogaron: Manuel, Matías, Iván (Valentín 76'), Fredi, Fermín, Eloy, Mario, Rubio (Pirucho 60'), Alberto, Canay, Javi Suárez.

Goles: 1-0 Mayuyo (25'), 2-0 Sexo (30').

CRÓNICA DOS PARTIDOS DO FÚTBOL BASE

A continuación ofrecémosvos as crónicas dos partidos do fútbol base do C.D. BAIO disputados o pasado martes 1 e esta primeira fin de semana de novembro:

Valentín, goleador no derby

XUVENIL: SP. ZAS 0 - CD BAIO 1

Partido entretido e disputado este derby do concello que se resolveu cun gol de Valentín na primeira parte. Mentres o equipo local propuxo un xogo de forza e chegada rápida, o Baio apostou polo seu tradicional xogo combinativo e de posesión, o que lle permitiu controlar o balón e impediu que o Zas crease moito perigo. Con este resultado remata a primeira volta na terceira praza, consolidando o seu posto para disputar a segunda fase da liga.

Polo CD BAIO xogaron: Pollo, Maikel, Yago, David, Fachal, Rafa, Rubio, Lucas, Alberto (Martín 56'), Bieito, Valentín.

CADETE: CD BAIO 7 - SP. ZAS 0

Santi leva xa 14 goles

Non tivo moita historia este derby na categoría cadete, na que quedou clara a diferenza existente na táboa clasificatoria. O partido xa quedou resolto na primeira parte, que rematou co resultado de 3-0, aínda que o equipo local fixo méritos para conseguir algún gol máis. Na segunda o Baio tomouno con máis tranquilidade, sabedor da súa superioridade, pero aínda así conseguir sumar catro tantos máis, destacando a boa actuación de Santi, que quedou reflectida cun hat-trick. Os outros goles foron obra do "pichichi" Christian (en 2 ocasións), Pablo e o infantil Éver.

Polo CD BAIO xogaron: Alberto, Miguel (Fran 61'), Pablo, Alfonso (Xenxo 51'), Anxo, José Antonio (Pedro 53'), Cristian (Álex 69'), Kevin, Javi (Éver 61'), Santi, Christian.

CADETE: CAMARIÑAS CF 1 - CD BAIO 3

Partido disputado na mañá do sábado 5, e que rematou cunha nova vitoria do equipo cadete. A mala noticia foi a lesión de Miguel, que sufriu un auténtico calvario para que unha ambulancia chegase ao campo (a ambulancia da mutua non contestaba). Con todo, o partido quedou encarrilado na primeira parte con dous goles de Christian (leva xa 22 goles), e quedou refrendado por Javi na segunda. O Camariñas conseguiu o gol do honor nos minutos finais.

Estas vitorias serviron para asentar o equipo nos postos altos da táboa, sendo na actualidade quintos, empatado co cuarto e a só cinco puntos do líder, o Dumbría.

Polo CD BAIO xogaron: Alberto (Álex 51'), Miguel (Fran 31'), Pablo, Alfonso (Éver 72'), Anxo, José Antonio (Javi 47'), Cristian, Kevin, Pedro, Santi, Christian.

INFANTIL: CD BAIO 5 - ED OS MIÚDOS 3

José Antonio, bigoleador

Primeira vitoria do equipo infantil, o que supuxo unha gran alegría entre os rapaces, pois o desánimo parecía apoderarse deles nos últimos partidos. Aínda así tiveron que remontar en dúas ocasións, pois foi o equipo muradán o que se poñía por diante, pero dous goles de Eloy e José Antonio dábanlle a volta ao marcador, para chegar así ao descanso. Na reanudación colleu impulso o conxunto visitante, que con dous goles volvíase poñer por diante, pero a ilusión dos baieses fixo que se fosen arriba e conseguisen tres goles máis, por mediación de José Antonio, Fran e Éver.

Con esta vitoria o Baio sobe un posto na clasificación, sendo na actualidade décimocuartos.

Polo CD BAIO xogaron: Julián, Alejandra (Fran Caneda 50'), Andrea, Fran, Queiro, Javi Muíño, José Antonio, Santi (Sabela 58'), Sergio (Cedrón 73'), Éver, Eloy (Anxo 40').