GRAZAS, CHUCHO!!!

Eloy, Eloy Vilas, Eloy de Malpica, ou Chucho, por calquera destes nomes era coñecido o bravo e gran xogador que durante dúas temporadas defendeu a camisola do CD BAIO e que agora nos deixa para volver ao seu equipo de sempre. Deixa aquí grandes recordos, grandes partidos e grandes amigos. Chegou na temporada 2011-12, baixo a dirección de Tono Méndez, para cubrir as necesidades que o equipo tiña no medio do campo e acabou xogando 2626 minutos en 33 partidos, sendo o terceiro en minutos no total do equipo. A pasada temporada, xa ás ordes de Félix García, participou en 2757 minutos dos 36 partidos, anotando ademais 6 goles. Foron en total 5.383 minutos, o que viría dar uns 60 partidos enteiros, pero foron tamén moitas horas de adestramentos e de momentos que compartimos. 

Queremos desde aquí renderlle a nosa admiración con esta serie de fotos (obra de Santi Díaz e Santi Soneira) e desexarlle toda a sorte do mundo. Grazas Chucho por estes dous anos no CD BAIO!!!