A
Historia
C.D.
BAIO
|
|||||
TOTAL
LIGAS + COPAS
|
|||||
P.
X.
|
P.
G.
|
P.
E.
|
P.
P.
|
G.
F.
|
G.
C.
|
1790
|
689
|
416
|
685
|
2929
|
2980
|
TOTAL
LIGAS
|
|||||
1567
|
598
|
360
|
609
|
2497
|
2615
|
LIGA
DA COSTA
|
|||||
805
|
316
|
155
|
334
|
1465
|
1542
|
Última visita do UC Cee ao Platas Reinoso na 2012-13 |
Os
dous clubs da Costa que máis temporadas levan disputadas desde que
se iniciou a Liga da Costa na temporada 1963-64, enfróntanse este
domingo no Platas Reinoso. O CD Baio leva competindo 54 temporadas
consecutivamente, e o UC Cee suma 53, pois non participou na 75-76
cando tivo que facer unha importante reforma no vello campo das
Raíces para adaptar as súas medidas ás regulamentarias.
Xa
que logo, o Cee é o 2º en temporadas disputadas, pero é 3º en
canto a partidos xogados, pois é superado polo Fisterra neste
aspecto. Desas 53 campañas, 10 delas foron na Rexional Preferente,
outras tantas na 1ª Rexional/Autonómica, e as 33 restantes na Liga
da Costa. Isto supón que é 5º en número de temporadas disputadas
nesta competición, pero 7º no tocante a partidos xogados. É, con
diferenza, o club máis laureado da Costa, pois suma 6 Ligas da Costa
(63-64, 64-65, 79-80, 91-92, 00-01 e 06-07), e 7 Copas da Costa
(63-64, 64-65, 77-78, 79-80, 91-92, 92-93 e 06-07) das nove finais
que disputou (perdeu nas 07-08 e 09-10). Estas son as súas
estatísticas ligueiras ata o momento actual:
U.C.
CEE
|
|||||
TOTAL
LIGAS
|
|||||
P.
X.
|
P.
G.
|
P.
E.
|
P.
P.
|
G.
F.
|
G.
C.
|
1545
|
715
|
299
|
531
|
2879
|
2349
|
LIGA
DA COSTA
|
|||||
807
|
436
|
152
|
219
|
1827
|
1145
|
Contando
esa temporada inicial, os dous equipos coinciden nun total de 26
temporadas. Das anteriores 25, seis foron na Preferente, dúas na 1ª
Rexional Provincial e o resto na Liga da Costa. O seu primeiro
enfrontamento tivo lugar o 24 de maio de 1964, no campo das Raíces,
e a vitoria foi local (6-1), mesmo resultado a favor do "acaparador
Cee" no encontro disputado no Balsiño o 12 de xullo, na
derradeira xornada desa primeira Liga da Costa.
As
estatísticas son abrumadoras a favor do club ceense, sobre todo nas
13 primeiras temporadas (da 63-64 á 76-77, coa excepción da
referida 75-76). Neses 26 enfrontamentos o Baio só gañou dúas
veces e empatou en tres ocasións. As cinco seguintes confrontacións
foron no último lustro da década dos oitenta, na Preferente, e os
números xa se foron igualando, pois o Cee gañou os seus partidos
como local e o Baio faría o propio (exceptuando un triunfo ceense na
85-86). Volveron cadrar na Liga da Costa 90-91, na que o Baio foi
campión e gañou os dous partidos; nesta mesma década temos que
saltar á 94-95 na 1ª Rexional Provincial, na que foron
protagonistas os dous, pois o Baio foi campión e o Cee subcampión;
nos seus enfrontamentos o Baio gañou na casa e empatou en Cee. Na
seguinte campaña na Preferente o Baio goleou nos dous encontros, e
deixarían de verse ata a 01-02, de novo na 1ª Rexional Provincial,
e de novo o Baio se impuxo tanto na casa como fóra. Temos que volver
á Liga da Costa para falar dos tres últimos enfrontamentos: na
06-07 o Cee empatou en Baio e gañou na casa, e ao ano seguinte gañou
os dous encontros; a última vez foi na 12-13, e o Cee goleou no San
Paio de Refoxos (3-0) e empatou no Platas Reinoso (0-0). Neste
encontro disputado o 3 de marzo de 2013, xogaron polo Baio:
Anxo, José Antonio (Fachal 88’), Mario, Ramón, Pablo (Fredi 54’),
Norberto, Martín, Eloy Vilas, Rubio (Jorge 79’), Alberto
(Christian 63’) e Martín MC. E polo Cee: Parroto, Nico,
Jorge, Rubén Fiúza (Fermín 72’), Rafa, José Manuel (Berto 68’),
Isma Leis (Llanero 63’), Diego Cespón, Víctor, Carlos Leis e
Penedo.
En
definitiva, as estatísticas xerais son moi favorables ao UC Cee,
mentres que as dos encontros disputados en Baio fóronse equilibrando
pouco.
Enfrontamentos
Totais Liga
|
|||||
P.
X.
|
P.
G.
CD
Baio
|
P.
E.
|
P.
P.
CD
Baio
|
G.
F.
CD
Baio
|
G.
C.
CD
Baio
|
50
|
13
|
06
|
31
|
72
|
127
|
Xogados
en Baio
|
|||||
25
|
10
|
03
|
12
|
44
|
54
|
O
partido do domingo
11 do UC Cee no Pinguel [Foto: FB Ponteceso] |
O
UC Cee cambiou esta temporada de adestrador, apostando polo técnico
dos xuvenís Rafael Suárez, e cunha boa renovación do plantel, que
xunta grandes veteranos con rapaces novos procedentes dos xuvenís.
Do Fisterra chegou Julito, do Muxía Noé, e do Dumbría Javi e
Martín, mentres que subiron do brillante xuvenil o porteiro Paulo, e
Álex Castro ou Samuel. Entre os que continúan da campaña pasada,
temos que falar dos veteranos Leo, Juan ou Llanero, e dos clásicos
ceenses como Penedo, Carlos Leis, Chiru, Jorgito ou Nico.
Principiou
moi ben esta temporada con vitorias en Coristanco e na casa co
Mazaricos, e chegou a empatar no Cairo ante o Corme. Veu despois unha
derrota no derbi en Corcubión, para golear ao Porteño (4-0), e aí
se acabaron os seus triunfos pois non gañou ningún dos seis últimos
partidos xogados: derrota en Cerqueda e co Laxe, empate en Baíñas e
co San Lorenzo, clara derrota en Ponteceso e empate a semana pasada
fronte ao Malpica (2-2). Estes números colócano na 10ª posición,
con 13 puntos. É o equipo menos goleador do grupo, con tan só 13
goles a favor, mais tamén encaixa poucos (15, un menos que o Baio).
Os goles, ademais, están moi repartidos, pois Martín, Leo e Nico
levan 2, e con 1 hai seis xogadores (ademais doutro marcado en propia
meta por un rival).
Ata
26 xogadores utilizou Rafa, varios deles xuvenís, como é o caso de
Chema, un fixo xa na zaga. Outros sete xogadores tamén os poderiamos
considerar indispensables nos esquemas do adestrador ceense, como
Paulo na portería, e na defensa Nico, Jorgito e Julito; tamén na
parte dianteira Martín, Juan o Vello e Leo xogan habitualmente como
titulares. A eles poderiamos engadir Esteban e Carlos Leis, polo que
Javi, Noé, Uri ou Carlos alternan a titularidade coa suplencia.
Desde o banco aparecen os Penedo, Chiru, Gabi, etc.
O
Baio, despois da vitoria no
difícil campo da Rocheira, nond ebe confiarse da mala xeira do club
ceense das últimas xornadas, pois conta con xente de moita calidade
que pode darlle un susto a calquera, como xa demostrou con Corme e
Mazaricos.
SEGUNDA
GALICIA (GRUPO 2º)
C.D.
BAIO – U.C. CEE
Domingo
20 de novembro; 16:15 h.
Campo:
Platas Reinoso (Baio).
Árbitro:
Martín García Gómez.
XUVENIL:
CAMARIÑAS F.C. - C.D. BAIO
Visita
o equipo xuvenil do CD Baio o campo das Hermanas Patiño para
enfrontarse ao Camariñas, un dos clubs clasificados nos últimos
lugares do grupo, pero que presenta unha irregular traxectoria, en
función da presenza ou non dos seus xogadores máis destacados, que
adoitan ir co equipo sénior o domingo. Desde logo, un deles é o
dianteiro Brandon, que non só é o máximo goleador deste Grupo
Norte xuvenil, con 14 goles, senón que é o máximo goleador do
equipo sénior do Camariñas e un dos primeiros da Liga da Costa con
seis tantos.
Na
primeira volta o Baio conseguiu darlle a volta ao marcador e logrou
vencer pola mínima ao cadro camariñán (2-1), con goles de Luis e
Estefan. Mañá ten a oportunidade de sumar un novo triunfo, mantendo
o bo nivel de xogo das dúas xornadas anteriores, a pesar das lesións
que sufriu nas últimas semanas.
XUVENIL
(1ª Autonómica – Grupo 3º)
CAMARIÑAS
F.C. - C.D. BAIO
Sábado
19 de novembro; 16:15 horas
Saída
de Baio ás 14:45 horas.
Campo:
Hermanas Patiño (Camariñas).
Árbitro:
Denís Añón Salgueiro.
No hay comentarios:
Publicar un comentario