A
Historia
C.D.
BAIO
|
|||||
TOTAL
LIGAS + COPAS
|
|||||
P.
X.
|
P.
G.
|
P.
E.
|
P.
P.
|
G.
F.
|
G.
C.
|
1796
|
693
|
418
|
685
|
2942
|
2985
|
TOTAL
LIGAS
|
|||||
1572
|
601
|
362
|
609
|
2505
|
2618
|
LIGA
DA COSTA
|
|||||
810
|
319
|
157
|
334
|
1473
|
1545
|
Campo do Cabo da Area [Foto: Concello de Laxe] |
A
SD Laxe foi un dos oito clubs fundadores da Liga da Costa, alá pola
primavera de 1964, aínda que a súa participación axiña se vería
truncada, pois xa non participou na segunda temporada desta
competición. Dez temporadas estivo ausente ata que regresou na
74-75, e de novo volvería desaparecer logo da 03-04, para retornar
na 10-11. Así logo, son 38 as temporadas nas que competiu o conxunto
laxense, o que o colocan no posto 15º (empatado con Lira e San
Lorenzo), mais se nos atemos ao número de partidos xogados o seu
posto é o 21º.
Desas
temporadas, 2 delas foron na 1ª Rexional semiprovincial (82-83 e
83-84), 16 na 3ª Rexional/Autonómica e as outras 20 foron na Liga
da Costa. Neste sentido figura no posto 23º entre os que disputaron
a liga costeira (empatado con Coristanco e Monte Louro), pero se
atendemos aos partidos disputados baixa ao posto 26º. Nas súas
vitrinas figuran unha Liga da Costa (1981-82) e unha Liga da 3ª
Autonómica (2015-16), ademais de 3 Copas da Costa: 80-81, 83-84 e
90-91, perdendo noutras tres ocasións a final (87-88, 88-89 e
93-94). Estas son as súas estatísticas ligueiras ata o momento
actual, que, como vemos, está próximo a disputar o seu partido
número 1000 nas distintas competicións ligueiras:
S.D.
LAXE
|
|||||
TOTAL
LIGAS
|
|||||
P.
X.
|
P.
G.
|
P.
E.
|
P.
P.
|
G.
F.
|
G.
C.
|
990
|
374
|
179
|
437
|
1796
|
2003
|
LIGA
DA COSTA
|
|||||
518
|
194
|
87
|
237
|
914
|
1085
|
Nesas
38 temporadas que leva disputadas o Laxe, coincidiu co Baio en 14
delas, todas na Liga da Costa, menos unha na 1ª Rexional (83-84). O
seu primeiro enfrontamento foi ademais o primeiro partido oficial dos
dous clubs, pois tivo lugar na xornada inaugural da Liga da Costa, no
campo laxense da Mina. O 12 de abril de 1964 tivo lugar tal partido,
e nel o equipo local impúxose por 3-1, mais o xogador baiés Pepe de
Agosto tivo a honra de marcar o primeiro gol, non só do encontro
senón da Liga ao bater o meta laxense no primeiro minuto do partido.
No partido da segunda volta gañaría o Baio pola mínima (3-2).
Despois pasarían dez temporadas para volverse ver pola desaparición
do club laxense. A partir da 74-75 foron oito as campañas
consecutivas nas que cadraron, e mentres nos partidos disputados no
Balsiño o Laxe sempre gañou (excepto unha derrota na 74-75 e un
empate na 81-82), no campo laxense a cousa estaba máis igualada, con
catro vitorias para cada un.
Tras
un parón dunha temporada polo ascenso do Laxe á 1ª Rexional, o
ascenso do Baio a esta na 83-84 volveunos encontrar nesta categoría;
na que se produciu vitoria baiesa no Balsiño e empate no Escarabajo
(por certo, esta temporada habíanse encontrar de novo na final da
Copa da Costa, e tras o empate en Baio a tres, o Laxe gañaría a
Copa milagrosamente na prórroga no seu campo, cando a trece minutos
para o final do partido perdía 0-2). O ascenso do Baio á Preferente
faría que ata a 90-91 non volvesen coincidir, e con esta foron catro
temporadas na que disputaron a Liga da Costa. Nestes anos a
superioridade do Baio amosouse nas cinco vitorias e dous empates nos
oito partidos disputados, cun único triunfo laxense na 92-93 (2-0).
A última vez que o Baio visitou o campo do Laxe foi o 3 de outubro
de 1993, na 2ª xornada de liga, e o resultado foi de empate (2-2)
-xunto co empate en Mazaricos foron os dous partidos que non gañaran
os baieses na primeira volta-. A última vez que se enfrontaron Baio
e Laxe en campionato ligueiro foi o 15 de febreiro de 1994 (aínda
que en realidade tiña que ser o 9 de xaneiro, pero suspendérase
polo mal tempo), e foi no Platas Reinoso con clara vitoria local
(3-0). Os baieses acabarían ascendendo de categoría, mentres que o
Laxe levou o farol vermello e descendeu á 3ª Rexional. Con todo
este ano enfrontaríanse nas semifinais da Copa da Costa, e a pesar
da diferenza amosada na Liga os laxenses chegaron á final.
Como
vemos, as estatísticas amosan unha igualdade case absoluta, tanto
nos partidos disputados en Laxe como no seu total, e mesmo nos goles
están máis ou menos parellos. Si é certo que nas últimas
temporadas que se enfrontaron, na década dos noventa, o conxunto
baiés foi superior, como o fora o laxense no final dos anos setenta.
Enfrontamentos
Totais Liga
|
|||||
P.
X.
|
P.
G.
CD
Baio
|
P.
E.
|
P.
P.
CD
Baio
|
G.
F.
CD
Baio
|
G.
C.
CD
Baio
|
28
|
12
|
04
|
12
|
55
|
53
|
Xogados
en Laxe
|
|||||
14
|
06
|
02
|
06
|
31
|
31
|
O
partido do domingo
11 do Laxe ante o Ponteceso [Foto: FB Ponteceso] |
Despois
de 23 temporadas volve o CD Baio a xogar na Liga da Costa fronte á
SD Laxe, tras o descenso do cadro baiés da 1ª Autonómica e o
ascenso do laxense da 3ª Autonómica, despois de conseguir na pasada
campaña o brillante título desta categoría. Pero neste cambiaron
moitas cousas con respecto ao do ano anterior, pois o míster do
ascenso, Adrián Lema, xa non está no banco, pois dimitiu tras a 12ª
xornada. Agora ocupa o seu posto o ex-xogador e ex-adestrador baiés
Eliseo Rama 'Lilo'. Non cambiaron moito os xogadores, pois a gran
maioría do plantel repite do ano anterior, tan só podemos destacar
dúas fichaxes de renome a comezos de temporada, como son Pablo (Zas)
e Saleta (Baio). Ultimamente incorporáronse dous novos xogadores,
como Martín e Sandro.
Nada
menos que 27 xogadores xogaron minutos co conxunto laxense, moitos
deles do seu equipo xuvenil. O xogador máis utilizado é, con
diferenza, Saleta, titular indiscutible nos 15 partidos que disputou.
Un pouco por detrás veñen Aarón e Gora, mentres que contan con
moitos minutos Felipe, Naya, Borja, Simón, Pablo e Zurich. Na
portería véñense relevando Lamas e Jacobo, e os outros postos son
cubertos con homes como Iván, Santi, Jacinto ou Álex Trigo, aínda
que tamén teriamos que incluír aquí ás recentes incorporacións
ou aos xogadores xuvenís.
Na
actualidade ocupa o último posto da clasificación, con 11 puntos,
que proceden de dúas vitorias (en Cee e Corcubión) e cinco empates.
Non puntuou ata a 4ª xornada (co Castriz) e non gañou ata a 8ª (en
Cee), non conseguindo gañar nas últimas sete xornadas. Suma tan só
18 goles a favor, o 3º menos realizador (tras Cee e Cerqueda) e
encaixou 43 goles, o que o converten no segundo máis goleado (só o
Monte Louro leva máis en contra). Os goleadores son Saleta e Zurich,
con 4 goles, e Felipe con 3, e despois sete xogadores máis cun único
gol.
A
pesar dos malos números que presenta o Laxe como local, pois só
suma na casa tres empates (0-0 con Castriz e Porteño, e 1-1 co
Baíñas) e foi goleado por varios equipos (1-4 con Camariñas e
Coristanco, e 2-6 co Corme), non debe confiarse o equipo baiés, pois
estamos ante un derby con varios xogadores locais con pasado no
equipo baiés. E xa se sabe que nos derbys todo pode pasar. O máis
importante para o Baio, ademais da vitoria, é ir recuperando pouco a
pouco os moitos lesionados que hai neste momento e que boa falta van
facer para a segunda volta.
SEGUNDA
GALICIA (GRUPO 2º)
S.D.
LAXE – C.D. BAIO
Domingo
8 de xaneiro; 16:00 h.
Saída
de Baio ás 14:30 horas.
Campo:
Cabo da Area (Laxe).
Árbitro:
Diego Cedeira Méndez.
XUVENIL:
S.D. CORISTANCO – C.D. BAIO
Penúltima
xornada a primeira fase da Liga da Costa Norte na súa categoría
xuvenil, na que o CD Baio non se xoga máis que a honra e transmitir
boas sensacións de cara á Copa e a esta nova etapa con Fredi no
banco. O 6º posto xa vai ser inamobible de aquí ao final da
temporada, pois non pode chegar ata o 5º (o Cabana, con 6 puntos
máis e a golaveraxe) nin o 7º o pode alcanzar (o Zas, con 7 puntos
menos). E nesta súa última saída toca visitar a Rocheira, onde
agarda un Coristanco que si se xoga moito, pois non garantiu a súa
participación na segunda fase ligueira, tras os tropezos das últimas
tres xornadas, nas que empatou en Cabana e perdeu na casa co
Camariñas e nas vésperas de Noiteboa en Corme. É precisamente o
equipo cormelán quen rivaliza cos coristanqueses nesa terceira
praza, e ten dous rivais asequibles nas dúas últimas xornadas,
mentres que o da terra da pataca despois da visita baiesa rematan a
liga en Berdillo.
O
Coristanco suma 31 puntos e perdeu nestas tres xornadas pasadas a
posibilidade de loitar polo título e agora sofre para clasificarse
entre os tres primeiros. E iso que o máximo goleador do grupo, con
58 goles en 16 partidos, aínda que tamén recibe máis dos habituais
nun conxunto cabeceiro, pois leva 27 en contra. O seu máximo
goleador é Diego, con 20 goles, seguido de Iván con 10. No partido
da primeira volta deuse un empate (2-2), logo de que Luis e Sergio
igualasen os goles de Diego e Iván cos que se adiantara o
Coristanco. Un equipo coristanqués que dera mostras de facérselle
longo o partido polas dimensións do campo, algo que non sucederá na
Rocheira, por ter unhas dimensións bastante inferiores. Con todo, os
rapaces baieses vanlle poñer as cousas moi difíciles aos locais,
querendo mostrar nestas xornadas finais de liga as boas cousas que
son quen de facer.
XUVENIL
(1ª Autonómica – Grupo 3º)
S.D.
CORISTANCO – C.D. BAIO
Sábado
7 de xaneiro; 16:30 horas
Saída de Baio ás 15:00 horas.
Saída de Baio ás 15:00 horas.
Campo:
A Rocheira (Coristanco).
Árbitro:
Pedro Patiño García.
No hay comentarios:
Publicar un comentario